ગુજરાતી મોક ટેસ્ટ 1 – ( comprehension – ગદ્યાંશ )    | Gujarat Police Constable Free Mock Test

નિચે આપેલ ફકરા પરથી 1 થી 5 પ્રશ્ર્નના જવાબ આપો.

રણપ્રદેશમાં અનેક પ્રકારના પશુ-જીવન હોય છે. રાતમાં રણપ્રદેશની ગરોળી પોતાના દરમાંથી બહાર આવે છે. અનેક પ્રકારના ઝેરી સાપ, વીંછી, શિયાળ અને કીડી-મંકોડા અને પક્ષીઓ અહીંયા મળે છે. સહારા, અરબ અને થારના રણમાં સ્થાનિક લોકો દ્વારા પોતાનો સામાન એક સ્થળેથી બીજા સ્થળે લઇ જવા માટે ઊંટનો ઉપયોગ કરે છે. ઊંટને ‘રણનું વહાણ’ પણ કહે છે. તે રેતીમાં માઈલો સુધી ચાલી શકે છે. તેની આંખોની પાપણ લાંબી હોય છે અને તે પોતાના નાકના છિદ્રને બંધ રાખી શકે છે. આવી રીતે તે રેતીથી તેની આંખો અને નાકને બચાવી શકે છે. તેના પગ સપાટ અને ગાદીવાળા હોય છે અને તેની પીઠ પર એક અથવા બે ખૂંધ હોય છે. ઊંટ એકવારમાં કેટલાય લિટર પાણી પી શકે છે અને પછી એક અઠવાડિયાથી વધુ પાણી વગર રહી શકે છે. રણમાં રહેનારા માટે ઊંટ અનિવાર્ય છે.

નિચે આપેલ ફકરા પરથી પ્રશ્ર્ન 6 અને 7 ના જવાબ આપો.

વિદ્યાર્થીનું પ્રથમ કર્તવ્ય પોતાના મગજને સ્વતંત્ર રાખવાનું છે. પરિપૂર્ણ સ્વતંત્રતાનો સૌથી વધુ અધિકાર વિદ્યાર્થીનો છે. શ્રદ્ધા વિના વિદ્યા સંભવિત નથી. જ્ઞાનનો આરંભ શ્રદ્ધાથી થાય છે; પરંતુ પરિસમાપ્તિ સ્વચિંતનથી થાય છે. વિદ્યાર્થીનું બીજું કર્તવ્ય જાત પર કાબૂ રાખવાનું છે. જો વિદ્યાર્થી સત્ય સંકલ્પ કરતો થઈ જાય તો વિશ્વની કોઈ પણ તાકાત તેને અટકાવી શકે નહીં. ત્રીજું કર્તવ્ય સેવાભાવનાનું છે. સેવા જ્ઞાન નથી. મહાભારતના યક્ષપર્વમાં ‘વૃદ્ધોની સેવા કરવાથી જ્ઞાન પ્રાપ્ત થાય છે.' તે પ્રકારની કથા છે. વિદ્યાર્થીનું ચોથું કર્તવ્ય સાવધાન રહેવું તે છે. દુનિયાની તમામ બાબતોનું તટસ્થ બુદ્ધિથી અવલોકન કરવું જોઈએ. બુદ્ધિ સંકુચિત ન જોઈએ અને દિલ તથા દિમાગ વિશાળ કરવાં જોઈએ.

નિચે આપેલ ફકરા પરથી પ્રશ્ર્ન 8 અને 9 ના જવાબ આપો.
 
નારી ઈશ્વરની દેન છે અને ઈશ્વરની દીકરી છે. ભગવાન પછી આપણે નારીના જ ઋણી છીએ-જિંદગી આપવા બદલ અને પછી જીવવાલાયક બનાવવા બદલ. તે માતાની જેમ આપણું રક્ષણ કરે છે તથા મિત્ર અને ગુરુની જેમ આપણને શુભ કાર્યો કરવા માટે પ્રેરણા આપે છે. નારીનાં ત્યાગ અને બલિદાન ભારતીય સંસ્કૃતિની મૂડી છે.

નિચે આપેલ ફકરા પરથી પ્રશ્ર્ન 10 અને 11 નાં જવાબ આપો.

સ્વરાજ્ય મેળવવાના પ્રયત્નમાં પણ સત્યનો આધાર લઈને ચાલવું એ લાભદાયક છે. આપણું સાધન સારું નહીં હોય તો સાધ્ય પણ સારું નહીં ઊતરે. આપણે ઘણી વાર સાંભળીએ છીએ કે શુભ ઉદ્દેશ પાર પાડવા માટે ગમે તે સાધનનો ઉપયોગ કરી શકાય; એમાં કશું અનુચિત કરવું પડે તો તે ઇચ્છવા યોગ્ય નહીં તો ક્ષમ્ય તો જરૂર ગણાય. ગાંધીજી અનુચિત આચરણને હંમેશાં વખોડી કાઢતા, કારણ કે તેથી સાચી કાર્યસિદ્ધિ થતી નથી અને થતી દેખાય તોપણ એ મૂળ ધ્યેયની સિદ્ધિ નથી હોતી, કારણ કે ખોટા સાધનને કારણે ખુદ ધ્યેય બદલાઈ ગયેલું હોય છે.

નિચે આપેલ ફકરા પરથી પ્રશ્ર્ન 12 અને 13 ના જવાબ આપો.

સ્વામી રામદાસ રામાયણ લખતા ને લખાતું જાય તેમ તેમ શિષ્યોને વાંચી સંભળાવતા. મારુતિ પણ તે સાંભળવાને ગુપ્તરૂપે આવીને બેસતા. સમર્થે લખ્યું કે, “મારુતિ અશોક વનમાં ગયો. ત્યાં તેણે ધોળાં ફૂલ જોયાં.” એ સાંભળતાંવેંત મારુતિએ છતા (પ્રગટ) થઈને કહ્યું, ‘‘મેં ધોળાં ફૂલો જરા પણ જોયાં નથી. મેં જોયેલાં તે ફૂલ લાલ હતાં, તમે ખોટું લખ્યું છે તે સુધારો.” સમર્થે કહ્યું, “મેં લખ્યું છે તે બરાબર છે. તેં ધોળાં જ ફૂલ જોયાં હતાં." મારુતિએ કહ્યું : “હું જાતે ત્યાં જનારો ને હું કહું તે ખોટું ?

નિચે આપેલ ફકરા પરથી પ્રશ્ર્ન 14 અને 15 ના જવાબ આપો.

સ્ત્રીઓને પોતાના કામકાજમાં વ્યવસ્થા રાખવાની ટેવ તથા સર્વ વ્યવહારમાં દૂરંદેશીપણું એ ગુણ ઘણા ઉપયોગી છે. તે ઉપરાંત કરકસરની ટેવ પણ અમૂલ્ય છે. એ સર્વ જેથી વધે તેવા શિક્ષણનો તેને ઘણો ઉપયોગ હોવા છતાં સ્ત્રીપુરુષ બન્નેના વ્યાપાર સાધારણ રીતે જ જુદા હોવાથી સ્રીપુરુષનાં શિક્ષણ અમુક વય સુધી એક હોઈ શકે, પણ પછી તે જુદું પડવું જોઈએ. સુશિક્ષિત માતાઓ આ પ્રમાણે પેદા થાય છે. તેમ થવાથી દેશની ઉન્નતિનાં બીજ રોપાય છે. જે-જે દેશ પાયમાલ થયા છે તે-તે દેશમાં સ્ત્રીશિક્ષણ ઉપર લોકોએ ધ્યાન ન આપવાથી તેમ થયું છે, માટે સ્ત્રીની ઉન્નતિમાં જ સર્વની ઉન્નતિ છે એમ જાણી જેમ બને તેમ દેશમાં સ્ત્રીસમ્માનની વૃદ્ધિ થાય એવો પ્રયત્ન સર્વેએ કરવો જોઈએ.

નિચે આપેલ ફકરા પરથી પ્રશ્ર્ન 16 થી 20 ના જવાબ આપો.

ઇજિપ્ત (મિસર)ના પિરામિડોની ગણતરી વિશ્વમાં રહેલા સૌથી આશ્ચર્યજનક ભવનોમાં થાય છે. એનું નિર્માણ લગભગ 4500 વર્ષ પૂર્વે થયું હતું અને મિસર નિવાસી આ મહાન પિરામિડોનો ઉપયોગ ફરાઓ અથવા રાજાઓની કબર તરીકે કરતા હતા. રાજાઓના શરીરની મમી બનાવીને કે એને સૂકવી દઈને એને સંરક્ષિત કરતા હતા. અને એમને મહાન કબરમાં દાટી દેતા હતાં. તેઓ એમના આગામી અવતાર અને એના ઉપયોગ માટેનો ખજાનો અને ભોજનને પણ કબરમાં મૂકી દેતા હતાં. રાજાઓના અન્ય કર્મચારીઓને પણ આજુબાજુની નાની કબરોમાં દાટી દેતા હતાં, જેને મુસ્તબા કહેવામાં આવે છે. નાઈલ નદીના કિનારે આજે પણ આવા 35 મોટા અને 40 નાના પિરામિડોના અવશેષો નજરે પડે છે. તે ઇજિપ્ત (મિસર)ના મહાન ભૂતકાળની યાદ અપાવે છે.